NIH tassaavoq Nordjyllandimi Idrætshøjskolet annersaat ilaat. Sap. Akunneranut minnerpaamik 34 time timersornermik sammisaqartarpugut. Ilaannikkulli annerusinnaasarluni. Fag’it timersuutigerusutat nammineq nuannarisatit toqqarsinnaavatit assigiinngitsorpassuit, taakkualu aallaavigalugit sap.akunneranut timersortassaatit.
NIH-mi atuarluni nuannertorujussuuvoq, inuttut imminut qamuuna pissarsiaqarnaqaaq. Naak ilaannikkut angerlarsiuummerujussuarneq nunatsinnut , ilaqutatsinnut qanigisanullu takkuttaraluartoq. Nukittugaannili nuannisarlunilu qaangeqqinneqartuaannarput.
Weekendini angerlarsinnaasarpugut ilaqutaqarsimagutta nalunngisaqarlutaluunniit. Immikkulli weekendimi sammisaqartitsisoqassagaangat atuarfimmiiginnartarpugut nuannisarsuataartarlutalu.
Atuarfipput illoqarfiup qeqqanut qanittuarakasiuvoq (qujanartumik) :D
Kalaaliulluni qallunaat akornanniilluni aamma ajunngilaq. Inuttulli allatuulli (kalaallitulli) ipput. Inussiarnertaqaat, ikiuerusussuseqarlutillu. Aallarteqqaarnermiilli ammagaanni suna tamarmi ”anguneqarsinnaavoq”. Soorunami ilaqarpoq kalaallinut isiginnittariaasiat allaasoq. Kisianni nassuiaakkaanni nunatsinni inooriaaseq pillugu paasinnittarput. Kalaaliulluni tamaani atuarluni NUANNEQAAQ!
Qujanartumik tamatta maani atuartuusugut nuanarsuarmi nunani assigiinngitsorpassuarninngaaneertuusugut assigiimmik pineqarpugut.
Uanga nammineerlunga maani ilikkakkakka, amerlaqaat. Inuttut ammarneruvunga siornatigorniit, inuit akornanniissinnaalernerullunga. Inuit, kikkut tamarmik qiimasut akornanni takulersimavara inuuneq ullormiit ullormut atortariaqartoq.
Fag-it toqqarnikuusimasakka siorna: Politilinie, massage & anatomi, fitness-holdtræning, badminton, kampsport, sundhed og kostforbrænding. Ukiormannalu toqqarsimavakka : fitness-holdtræning, badminton, dance, Idrætsunderviser-ilu. Skadeqqanikuunera peqqutaalluni ukioq manna naqqaniik aallartittariaqarsimavunga. Kisianni aamma ajunngilaq. J
Timersornermik soqutigisaqaruit maannga atuariartorit. Misigisassatit amerlaqaat ugguanngitsoornavianngilatit. Ukiut tamaasa, ukiumut marloria Frankrigimut angalasarpugut aamma La Santa & Thailand. Allamik siunnersuisinnaanngilanga, imminut ilikkarusukkuit nuannisarumaguillu ukioq naallugu maannga Nordjyllands Idrætshøjskolemut atoriartorniarit! ;)
